占美·當奴·"占寶"·威爾斯（英文">英文：Jimmy Donal "Jimbo" Wales，1966年8月7日—），係維基百科（Wikipedia）創始人之一，維基媒體基金會總經理，同時擁有一個叫做Wikia嘅營利公司。威爾士早年成立過名為Bomis嘅互聯網公司，並且喺2000年3月推出過網上百科全書計劃，叫做Nupedia（即係而家維基百科嘅前身），並且請咗拉里·桑格（Larry Sanger）做嗰份百科全書嘅主編。
不過，由於Nupedia嘅内容係由各方面嘅專家，通過同儕評審（peer-review）過程、檢查確定之後先至發佈，所以進展過程相當之慢。拉里·桑格於是喺2001年1月提議，用Wiki軟件作為百科全書平台，獲得占美·威爾斯同意之後，發起另一個叫做Wikipedia嘅計劃。拉里·桑格喺2002年3月1日卸任之後，維基百科由眾多熱心參與者持續發展。2003年中旬，占美·威爾斯創立咗維基媒體基金會嚟繼續執行維基百科計劃。而家維基百科已經發展成目前全球最大嘅網上百科全書；至於Nupedia就喺2003年9月結束同離線。

獲獎
威爾斯喺2006年6月3日獲美國伊利諾州頒發榮譽學位。電子前線基金會（Electronic Frontier Foundation）喺2006年5月3日頒咗個先鋒獎（Pioneer Award）畀佢。