布拉格(捷克話：Praha；萬國音標：[ˈpraɦa]，讀似布拉哈；中文名可能來自德文Prag或者匈牙利話Praga)係歐洲捷克共和國首都，亦都係呢國最大城市。個城響中波希米亞壁打化河(Vltava)側邊，人口有120萬人。不過估計另外重有30萬人無登記到做居民。
布拉格有好多花多，百塔城同金城係其中兩個。870年起嘅布拉格城堡，係世界上最古老城堡，亦都係呢個城歷史嘅起點。呢個歷史名城1992年列入世界遺產。