有別於泉州南音，廣東南音自成一格，糅合咗木魚、龍舟等傳統廣東講唱傳統，喺南方「彈詞」嘅一種。廣東南音又叫做地水南音，係廣東「說猶如唱，唱猶如說」嘅獨特說唱曲藝，喺二十世紀初期最盛，多數係盲人瞽師或師娘彈唱，歌曲內容多數係抒發個人嘅坎坷遭遇、離愁別緒，經常有自傷自憐嘅主題，所以後期亦被人攞嚟同美國黑人藍調比較。演唱技藝嘅傳授幾乎全靠口授。著名曲目有《嘆五更》、《客途秋恨》、《霸王別姬》、《祭瀟湘》等，而《今夢曲》就喺唯一一本南音曲集。
南音喺二十世紀初妓院、煙館、茶樓上經常聽到嘅現場表演音樂，由於涉及色情場所，歌詞唔少都同男歡女愛、色情題材有關。二十世紀二三十年代後，地水南音亦開始式微。不過，二十世紀二十年代起，粵劇開始吸納地水南音的講唱方式，逐漸發展為戲台南音，令到南音嘅部份神髓得到傳承。著名嘅南音樂師包括鍾德（盲德）、白駒榮、陳檻、盛獻三、杜煥等等。

背景
「地水」喺卜卦術語，廣東人舊稱盲人做「阿水」，所以主要由盲人所唱嘅南音就被人叫做「地水南音」。以前盲人喺廣東一帶嘅鄉鎮，主要靠占卜算命為生，一啲有音樂天賦嘅盲人兼唱起南音，而且師徒一代代咁傳落去，於是唱南音就變成當時盲人嘅一種謀生手段。佢哋有啲孤身一人，有啲兩人為伴，帶往簡單樂器，唱一啲悲情／詼諧嘅故仔賣唱討錢，或沿門乞唱、或擺地攤求賞錢，而部份唱得比較好嘅，或被富裕人家請到府中唱「堂會」。
南音瞽師一般生活坎坷，即使名噪一時嘅白駒榮喺過去同樣生活艱苦；被譽為一代瞽師嘅陳檻，除咗少數圈內人外，亦近乎名不經傳。因此，南音曲詞頗多悲情故事、自憐自傷之詞。
地水南音嘅唱腔一般又分為正綫南音、乙反南音（又叫苦喉南音／梅花腔）、流水南音等唔同唱腔。正綫南音喺比較普通嘅南音，苦喉南音嘅音調喺最凄慘，流水南音就無過門，唱者要「文不加點」咁一路唱落去，中間無停頓。南音唱法變化多端，唱家唱同一曲每日都可以有唔同唱法。至於「乙反」就喺古樂調式，用舊時「上尺工反六五生」為譜。乙反嘅音較低，所以聽起來韻味較苦。

地水南音
杜煥（？﹣1979年）畀人認定做香港最後一位正綫地水南音大師。佢喺二十世紀五十年代，每朝喺香港電台《杜煥南音》節目演唱南音，更加不時將當日發生嘅新聞故事作為即興唱作題材，一直唱到1972年，港台因減少播放古老文化節目而停播該節目為止。杜煥以一心三用，左手操拍板、右手彈爭、口中歌唱嘅絕技為人津津樂道。
杜煥喺1972年被香港電台炒魷魚之後，只能靠政府救濟金為生，屈居喺上海街一盲人籠屋，間中或到旺角街頭賣唱討錢。1974年，德國文化協會邀請杜煥演唱〈客途秋恨〉、〈男燒衣〉等曲目，兼且由何臣椰胡伴奏。後來成為「南音箏怪」嘅唐健恒（當時喺中文大學音樂系碩士生）初遇杜煥，結下兩人日後喺師徒情緣。
美國匹茲堡大學音樂系教授榮鴻曾，喺1975年收錄咗杜煥喺上環摩羅街富隆酒樓演唱嘅16首南音歌曲，部份經由中文大學輯錄成唱片《訴衷情》。
後來，喺唐健恒安排下，杜煥喺大會堂劇院演唱，又被邀到中文大學博物館內演唱南音，並且拍攝成一卷八米厘影帶，成為傳統地水南音嘅少數僅存影像紀錄。
1979年，杜煥病逝，傳統地水南音自此成為絕唱。唐健恒當時喺英國深造音樂博士，一時間杜煥貧病無以為殮，好彩得南音唱家、粵劇名伶阮兆輝奔走安排喪事，又聯繫商業電台舉辦南音、龍舟演唱會，為盲人組織籌款 。

杜煥
颺舟南音（一般寫作「揚州南音」）一派喺二十世紀二三十年代嘅廣州響負盛名，代表人物喺鍾德（1860年 - 1929年），弟子有盛獻三。盛獻三晚年亦收唐健恒為徒。據梁培熾先生查考，該腔喺著名南音瞽師鍾德所創，因曲調悠揚跌宕，有"舟搖搖而輕颺"之感，故起名颺舟腔。颺舟一詞較僻，也和揚州同聲，後人漸漸訛傳爲揚州腔 。

颺舟南音
孔繼勳(1792－1842)，清道光進士，孔子69代孫，嶺南大鹽商。曾經喺翰林院庶常館教習，與曾國藩有師生之誼。孔繼勳對古人嘅法書名畫獨具慧眼妙識，喺一次踏雪游南岳之後，歸來便興建"岳雪樓"，不惜重金將自己所見嘅精品都收購其中。蒐羅之富，一時稱最。岳雪樓不只喺佢藏書之所，而且亦喺雅集文化名流之地。據說孔繼勳除咗喺呢度宴請名流酬唱之外，重收養咗一班歌女及瞽僮，使之成為曲館。
孔繼勳將擅唱南音的失明藝人鍾德接到岳雪樓，照顧其起居。雅集之時，文人雅客們修訂鍾德所唱的南音舊曲，或爲他撰寫新曲，共得曲子14首，因曲子都以曹雪芹小說《紅樓夢》爲題材，統稱《今夢曲》，可惜已散失。

編撰《今夢曲》
跟據廣州粵劇研究者陸豐先生嘅研究，粤曲唱腔嘅舞台語言係喺1921至1927年產生轉變，又因為演唱平喉白，不但可以吸收廣東嘅講唱音樂例如南音、木魚等，目前最早記載結合南音和梆黃曲嘅係1924年由陳小漢之父陳醒漢演唱嘅《芭蕉島》之憶美。也因為演唱平喉白話，粵曲嘅調門也變為降B調。
戲台南音

影響
關錦鵬喺電影《胭脂扣》中，亦安排咗飾演妓女如花嘅梅艷芳唱出一段《客途秋恨》，點綴佢初遇十二少嘅場面。

電影
無線電視喺1983年拍攝金庸武俠劇《神雕俠侶》時，監製簫笙為飾演男主角楊過嘅劉德華，寫咗一首《神雕大俠》南音歌曲，並且由劉德華主唱，內容主要喺講述楊過充滿波折嘅個人遭遇 。

電視劇

粵調雙絕

《祭瀟湘》
《男燒衣》
《女燒衣》
《霸王別姬》
《梁天來七屍八命》
《失明人杜煥憶往》 其他名曲
南音演唱多在色情場所，所以唔少曲目都係涉及男歡女愛，又有「老舉南音」俗稱。雖然呢啲曲目內容淫褻，但係要全面研究瞽師南音，呢一部份不可或缺。
兩首曲目嘅孤本錄音現存喺美國匹茲堡大學 。

《陳二叔》，全曲講女子〈姣出水〉，因為思春，叫佢近身女傭搵男人，女傭就去搵陳二叔返嚟。曲中大部份係講男女主角敦倫細節。
《爛大鼓》，快板淫曲 鹹濕曲目

區均祥（澳門「盲仔祥」）
唐健恒（又被人叫做「南音箏怪」）
阮兆輝
梁漢威 參考資料