廣府話又叫廣州話、省城話、白話等。佢個名就講明佢係來自廣東省城廣州。因為佢係廣東省城，政治經濟都有特殊地位，所以有啲人會認為佢係粵語嘅標準音。廣府話流行響廣州、香港、澳門，珠三角等嘅廣府地區、清遠都有一部份人講廣府話。因為有佢響廣東有特殊地位，唔少人直情叫佢做粵語，廣東話。之不過，呢個叫法同學術上定義唔同，廣東話有好多分支，好似臺山話咁。而廣東又唔只係有粵語，有潮州話，客家話等等。
不過唔係冚廣州地方講嘅話都係廣府話，以前淨係省城部份係講標準嘅廣府話，出咗城就有差異。後尾英國人響香港起城，香港同廣州有好多商貿來往，廣府話就慢慢代替咗當地粵語分支。而自鴉片戰爭之後，有好多珠江三角洲嘅人來回廣州，香港做嘢。因為咁，廣府話以佢嘅影響力，佢個範圍就擴大好多。另外，廣府地區（粵語粵海片)、韶關、清遠、粵語非廣府地區（粵西）有部分後生仔都識講廣州話，有啲甚至攞廣府話嚟代替自己原有嘅方言作為母語。香港電視，流行曲呢類廣府話流行文化亦加速廣府話擴散。
用喺標準音係指被認為係標準粵語嘅粵語口音。所有嘅約於標準音都以粵語廣府音為標準。

新式粵語
隨住普通話喺廣東省入面各學校大力推行，並且要求普通語作為一門強制性嘅授課語言，學生好難再喺學校度學到傳統嘅粵語詞彙，特別係廣州以外，學生對於家庭使用嘅方言同埋粵語詞彙有一種唔標準嘅感覺，於是就改成廣府音，並只能夠依靠書面語(普通話詞彙)發音。咁就導致啲後生嘅同老一輩嘅或同廣州人用嘅唔同嘅詞彙。（同港式粵語有相同嘅地方）