2007年11月13日星期二

踢波
足球,或者叫踢波(Football,或者叫 association football、soccer),係一種由兩隊人互相對抗、進攻嘅一種球類運動。足球比賽入面,每隊波最多會有十位球員同一個龍門比賽,每隊最終目的,就係要將個波踢入對方龍門,每入一球就得一分,最後邊隊入得多啲就為之贏。踢波特點係只可以用腳踢,唔可以用手掂個波,不過亦有例外,例如守龍門嗰個就可以用手,但只限喺禁區入面,又或者掟界外球,都可以用手,其他情況一律唔畀用手。
足球運動係而家世界上最受歡迎嘅體育運動之一。

踢波 足球源頭爭議
足球到底係點樣嚟,呢個問題一直存在爭議,有人認為佢係源於古中國蹴踘嘅運動,史載漢朝將領霍去病就係用蹴踘訓練軍隊。
亦有人認為足球係起源自斯巴達人(Harpaston),喺羅馬帝國統治時期傳到歐洲,嗰陣叫做 Harpist。最初係一種好暴力同危險嘅遊戲,甚至有人會踢波踢死,所以14世紀,英國皇室曾經頒佈過禁令甚至罰款,但民間就一直延續呢種活動。
而現代足球就因為英國人嘅提倡而風行全球。
1617世紀,英國嘅足球遊戲並冇一定嘅規律,亦冇正式嘅統籌組織,呢個局面維持咗幾百年歷史。1863年英國足球總會成立,當時有人主張用手,但有另一派主張唔可以用手,而主張用手一派喺後來發展出英式橄欖球。一直到19世紀中,至開始出現有組織嘅團體。而正式規則亦隨之而確定。
到咗今時今日,四年一度嘅世界盃同各國嘅職業聯賽掀起咗全球嘅足球熱潮,令足球成為最受人歡迎嘅運動項目。

沒有留言: