韋伯（Max Weber, 1864年4月21號—1920年6月14號）係德國嘅政治經濟學家同社會學家，一般認為佢係現代社會學嘅開山祖師。
佢最先響柏林大學教書，之後教過弗萊堡大學（Freiburg University）、海德堡大學 、維也納大學同埋慕尼黑大學。對佢嗰時嘅德國政治好有影響，喺德國談判梵爾賽條約（Treaty of Versailles）做過顧問，喺委員會度幫手起草韋馬憲章（Weimar Constitution）。
韋伯以個體為社會分析嘅基本單位，主張社會科學家應該以人嘅行為動機，以及佢哋對其行為所賦與嘅意義來嚟研究社會學。如果唔瞭解個體，就冇辦法洞察群體嘅社會行為。在宗教研究方面，韋伯認為價值觀先至係社會變動嘅強勢動力。
佢寫過論文新教徒道德同資本主意興起 (The Protestant Ethic and the Rise of Capitalism），由宗教社會學（sociology of religion）講起，韋伯話宗教係西、東方發展出唔同文化嘅因素之一，仲強調新教裏面一啲特質，對資本主義、官僚架構、理性法治國家嘅形成有相當重要性，喺政治係一份工（Politics as a Vocation），韋伯定義國家為「壟斷合法用暴力嘅實體」，呢個定義對日後政治學有好大嘅影響。