亞洲電視（Asia Television Limited，簡稱ATV），全名係亞洲電視有限公司，香港人一般簡稱為亞視，喺1957年5月29日成立，係香港第一間電視台。亞視有兩個頻道，粵語頻道叫「本港台」，外語頻道叫「國際台」。
香港只有兩間電視台獲政府發牌經營本地免費電視節目服務，亞洲電視係其中之一，另一間係無線電視，亦即係佢嘅主要競爭對手。但由於近年亞視主攻內地市場，不斷外購大量內地連續劇集，加上長期積弱，造成「慣性收視」，亞視嘅收視長期處於個位數字，所以亞視亦都經常畀人叫做「二奶台」（無線係「大婆台」）。