明
明朝（1368年—1644年），係中國歷史上一個由漢族所建嘅朝代，由朱元璋（即明太祖）喺公元1368年建立。初定都南京，成祖（朱棣）時遷都北京。
明朝初年國力較強，後來國力逐漸衰落，到後期百姓生活每況愈下，社會唔穩定，引致大規模嘅農民反抗。公元1644年，李自成攻佔北京，崇禎帝自縊，明朝滅亡。但後來南明政權又延續十幾年，最後畀清朝消滅。

明朝歷史
元朝末期，朝政腐敗，國庫空虛。為咗彌補財政虧空，元政府除咗加重賦稅之外，仲出咗大量新鈔『至正寶鈔』，引致嚴重嘅通貨膨脹，搞到民不聊生。至正十一年(1351年)，元政府徵調農民同兵士十幾萬人嚟治理黃河水患。黃河兩岸嘅農民本來都飽受災荒之苦，治河時又成日畀監工鞭打，重剋扣口糧，搞到人神共憤。於是，「治河」同「變鈔」就成為農民反抗嘅導火線，部分更組成紅巾軍反抗致府。

元朝末期
至正十一年(1351年)5月，農民反抗。第二年，郭子興聚眾反抗，攻佔濠州(今安徽鳳陽)。無幾耐，安徽鳳陽農民朱元璋投奔郭子興，屢立戰功，重得到郭子興嘅器重同信任。至正十四年(1354年)郭子興病死，朱元璋執掌該部領導權。至正十六年(1356年)，朱元璋率兵佔領集慶(今江蘇南京)，改名為應天府，然後攻下周圍一啲軍事要地，獲得一塊立足嘅基地。此時嘅朱元璋『地狹糧少』『孤軍獨守』，遠不及其他起義軍勢力，處境非常艱難。朱元璋採納咗謀士朱升『高築牆，廣積糧，緩稱王』策略，努力咗幾年，朱元璋軍事同經濟實力迅速壯大。朱元璋先後響至正二十三年(1363年)，消滅陳友諒，至正二十七年(1367年)滅埋張士誠，同降伏割據浙江沿海嘅方國珍。1368年正月，朱元璋喺應天稱帝，建立咗明朝，同年攻佔大都（今北京），元朝滅亡。
明朝建立後，朱元璋一方面減輕農民負擔，恢復返社會經濟生產；一方面懲治貪污官吏，就算係皇親國戚，開國功臣都唔手軟。又分封皇子鎮守各地，佢死咗之後，皇太孫朱允炆繼位，朱元璋第四子燕王朱棣發動靖難之變，奪取皇位，是為明成祖。朱棣起咗北京城，響1421年遷都北京。其間重派鄭和七下西洋；又編纂《永樂大典》。成祖之後，又有仁宣之治。
1435年，未滿9歲嘅明英宗繼位，寵信宦官王振。導致1449年嘅土木堡之變，皇帝畀瓦剌俘虜。但係喺于謙率領之下，明廷另立明景帝，發動全國軍民抗戰，打退入侵嘅瓦剌軍，明朝一度復興。明孝宗弘治年間係明朝政治最清明嘅時期，呢位皇帝勤勉唔專制，信任大臣，內閣權力大為上升。
到了明世宗，佢信奉道教，不理朝政，大臣嚴嵩把持朝綱，導致政治腐敗，出現財政危機，以至海瑞稱"嘉靖嘉靖，家家皆盡"。

明朝建立
萬曆初年，神宗得到內閣首輔張居正輔佐。內政方面，提出"尊主權，課吏職，行賞罰，一號令"，推行考成法，裁撤政府機構冗官冗員，整頓郵傳同埋銓政。經濟上，清丈全國土地，抑制豪強地主，改革賦役制度，推行一條鞭法，減輕農民負擔。軍事上，加強武備整頓，平定西南騷亂，重用抗倭名將戚繼光總理薊、昌、保三鎮練兵，令邊境安然。萬曆初年呈現出明代中葉以嚟最好形勢。
但張居正逝世後，中興之象消失，明朝從此走上衰敗之路。神宗非常貪婪，佢大肆侵佔土地，搜刮民財；又廢除考成法，形成皇帝黷貨、臣下貪污、黨爭激烈嘅狀況。
明末三案、魏忠賢專權、李自成起義都導致明朝嘅衰落。
神宗嘅腐敗招致國庫空虛，邊關危機。呢一個時期，位於東北嘅後金崛起，形成同明王朝相對立嘅地方政權。此時嘅明王朝民不聊生，階級矛盾激化，明王朝滅亡嘅危機已經形成。

萬曆年代
明朝後期，統治腐朽。宦官魏忠賢專政，迫害異己、鎮壓人民。統治者不斷加重對人民剝削，加上連年災荒，人民處在水深火熱之中。1628年，戰爭喺陝北爆發，湧現咗高迎祥、李自成、張獻忠等幾十支起義軍。李自成提出"均田免糧"口號，深得農民擁護。1644年（崇禎十七年），李自成攻佔西安，建立大順政權。同年三月，攻佔北京，崇禎皇帝喺景山自縊身亡，主宰中國嘅明朝至此滅亡。之後清兵入關，並打敗李自成嘅大順政權，進入北京。喺北方，原明朝殘餘勢力大多投降清朝或者同清朝合作共同對抗起義軍；而喺南方，忠於明朝嘅各種勢力建立咗幾個流亡政權，史稱"南明"，直至十幾年後先至被清朝完全消滅。

明朝滅亡
明朝嘅疆域雖然唔及元朝，但喺明朝前期極盛時，北控內蒙古，西到新疆東部，東北控制住女真地區，西南方管轄雲南、貴州，南方建立交郡。明朝喺少數民族地區實行羈縻衛所制度及土司、土官制度。

直隸：京師、南京
布政使司（省）：山東、山西、河南、 陝西、四川、江西、湖廣、浙江、福建、廣東、廣西
都指揮使司：奴兒幹都指揮使司（統管黑龍江流域——西起阿嫩河、東至庫頁島，北達烏第河，南瀕日本海的廣大地區），1409年建立，共持續25年，後廢棄。 疆域及政區
明朝設有特務機構監視大臣的言行。太祖有錦衣衛，成祖設東廠，憲宗設西廠，武宗有內行廠。

中央官制：

• 六部：吏部、戶部、禮部、兵部、刑部、工部
  五軍都督府：中軍都督府、前軍都督府、後軍都督府、左軍都督府、右軍都督府
  禦史台
  地方官制
  
  
  
  • 承宣佈政司
    提刑按察司
    都指揮使司 官吏制度
    明代早期軍隊嘅來源，有諸將原有之兵，即所謂從徵，有元兵及群雄兵歸附嘅，有獲罪而謫發嘅，而最主要來源就係籍選，亦即垛集軍，由戶籍中抽丁而嚟。除此之外仲有簡拔、投充及收集等方式。此外，明朝中期以後又有強使民為軍的方式，不過都屬於少數，整體嚟講，衛所制仍然係最主要軍制。
    衛所制係喺全國各地軍事要地設立衛所註軍，衛有軍隊五千六百人，下面依序有千戶所、百戶所、總旗及小旗等單位，各衛所都隸屬於五軍都督府，亦隸屬於兵部，有事從徵調發，無事則還歸衛所。
    軍隊來源為世襲軍戶，由每戶派一人為正丁到衛所當兵，軍人喺衛所中輪流戊守以及屯田，屯田所得以供給軍隊及將官等所需。佢嘅目標係養兵而不耗國家財力，但明宣宗以後漸漸無法維持，軍人生活水準及社會地位日漸低下，逃兵亦逐漸增加，軍備因此逐漸廢馳。
    因此喺嘉靖年間，喺應付倭寇之亂嗰陣，將領戚繼光喺浙江地區採用招募民兵加以訓練的方式，嚟取代不堪嘅衛所兵。
    
    外交
    明朝農業發展無論係產量定係生產工具，都比宋元時期高，為明朝中葉開始嘅人口穩步增長提供堅實基礎。
    自明朝初年起，以江南地區為代表嘅手工業高度發展，促進咗市場經濟化同城市化。然而明朝推行"重農抑商"嘅原則以及嚴厲嘅海禁政策，令到商業受到一定嘅壓制。隨住明朝紙幣"大明寶鈔"嘅流通失敗，整個貨幣體系轉向為以白銀為主。日本同拉丁美洲嘅白銀大量流入亦進一步促進明朝嘅經濟發展。明嘉靖、萬曆時候，各地出賣絲綢、酒肉、蔬果、煙草、農作物、瓷器等商品不計其數，外國嘅唔少嘢，例如歐洲嘅西洋鐘，美洲嘅煙草，中國城市都有賣。當時商業大都會有北京、南京、揚州、蘇州、廣州、西安、成都等，著名嘅商業集團有徽商、川陝商、蘇商、京畿商、粵商等，喺世界上，明朝係16世紀、17世紀時期手工業、經濟最繁華嘅國家之一。
    
    經濟
    明朝嘅科學文化發展比較迅速，中國小說史上嘅四大名著中嘅《西遊記》、《水滸》、《三國演義》三本就係出於明朝。《金瓶梅》亦是呢個時期嘅作品。湯顯祖嘅戲劇《牡丹亭》至今仍然有演出。
    傳統雅文學嘅發展喺明代繼續發展，著名文人有劉基、宋濂、高啟、方孝孺、唐寅、歸有光、徐渭、王世貞、袁宏道、錢謙益、張岱、吳偉業等人。散曲家就有王磐、馮維敏、薛論道、陳譯、康海等人。
    明朝民間文學好發達，唐伯虎係傑出嘅代表人物。民間盛行對聯，仲有鎖南枝等山歌，一片欣欣向榮。
    喺思想上，王陽明嘅新哲學「心學」喺嘉靖以後盛行，形成一股反對傳統束縛嘅思想浪潮，塑造咗新社會風尚，亦令明代後期士大夫有一種別於其他時代嘅生命哲學。如「異端」思想家李贄就係最好嘅例子。
    
    文化
    明朝初期至中期嘅科技有較大發展，直至16世紀，明朝科技一直處於世界前列。
    呢一個時期出現嘅科學著作有：李時珍嘅《本草綱目》、宋應星嘅《天工開物》、徐光啟嘅《農政全書》、方以智嘅《物理小識》。仲有《徐霞客遊記》等著作係我哋依家研究同埋借鑒古代技術嘅珍貴文獻資料。
    于謙寫得《詠煤炭》詩歌說明當時煤炭已經普遍應用。計成嘅《園冶》就係園林建築嘅專著。
    明朝嘅軍事科技亦比較發達，明末已經出現咗火銃槍，仲有威力巨大嘅火炮。據講有個叫萬戶嘅人，坐喺綁滿火藥棍嘅櫈度，試圖利用火藥嘅推力上天空，不過失敗咗，成為世界上第一個為探索太空而犧牲嘅人。
    
    科技
    
    注：
    ^  此為南明弘光年間追崇，清朝乾隆年間，追諡為恭閔惠皇帝。
    ^  本來叫"太宗"，嘉靖時改為"成祖"。
    ^  清朝諡為懷宗，後改諡莊烈湣帝。南明政權諡為思宗紹天繹道剛明恪儉揆文奮武敦仁懋孝烈皇帝，後來又改諡為毅宗，唐王謚為威宗。
    ^  潞王、魯王政權都叫做"監國"而未有稱帝，故此冇年號。
    ^  依顧誠《南明史》所述，韓王朱本鉉之"定武"(1646年-1663年)年號同埋政權乃以訛傳訛之說。以查繼佐之《罪惟綠》啟其開端，直至近代先至被考據為謬。 帝王年表
    
    劉基
    常遇春
    解縉
    張居正
    魏忠賢
    鄭和
    海瑞
    于謙
    戚繼光
    袁崇煥
    鄭成功
    袁宏道（"三袁"）
    歸有光
    朱載堉
    文徵明
    唐寅
    黃宗羲
    李贄
    徐光啟
    湯顯祖
    史可法 可以睇埋
    
    顧誠，《南明史》，中國青年出版社，1997年5月版。