賭波，屬於一種「體育比賽賭博 (sports betting)」，多數以投注足球為主，但亦有用其他球類運動嚟開賭，好似籃球、棒球、美式足球（又叫欖球）。繼而有博彩公司、財團或者個人做莊 (bookmaker)，佢哋會開出各式各樣嘅投注盤口，俾其他想靠賽事結果嚟分得彩金嘅人落注。如果當地有合法嘅賭博機構，普羅大眾一般嚟講可以去機構指定嘅投注站落注，又可以用電話">電話或者上網，甚至可以用賭博機構提供嘅投注直駁機落注；而當中嘅賭法亦可以話係五花八門。