台灣，原本寫做臺灣，係一個位於東亞大陸東南方，太平洋西方嘅一個島；跨越亞熱帶同熱帶，氣候屬於季風氣候。
響1949年中華民國國都由南京搬去台北，無咗中國大陸之後，台灣呢個名普遍用嚟稱呼中華民國；例如佢喺世界貿易組織嘅正式名稱係「台灣、澎湖、金門、馬祖獨立關稅區」。中華民國所統轄嘅領地包括台灣島同附屬島嶼、台灣海峽嘅澎湖列島、近中國大陸東南沿岸嘅大小金門、馬祖列島、東引，同埋南中國海嘅東沙、太平等島嶼。