女仔指年輕嘅女人。由一個細路女變成一個女人嘅年齡喺唔同嘅社會都唔同，但基本上都認為青少年期向成年期嘅轉變年齡喺15歲至20歲之間。
按中文嚟講，女仔其實有兩種唔同嘅年齡意義。最傳統同常用嘅定義係「女嘅小朋友」，呢種稱呼往往用喺嬰兒期至十歲左右嘅女性，呢個年齡之後佢哋更多被稱為少女。但而家女仔嘅用法更為寬泛，可以幾乎涵蓋所有0歲至20歲的女性，或者年齡更大但睇落比較年輕嘅女性。
從歷史上嚟睇，女仔經常受到歧視，而且受到社會角色嘅限制，對此聯合國計劃喺2010年之前消除女仔喺受教育權方面嘅不平等。對於女仔同男仔嘅社會角色嘅形成同差別，始終存在住「先天決定論」（或基因決定論）同「後天決定論」（或環境決定論）嘅爭論。女仔喺藝術、文學同流行文化中以乜嘢形象出現往往反映咗社會對女仔性別角色嘅認知。