衛生麻雀，係一個麻雀術語，衛生麻雀並唔係乜嘢特別玩法或者牌例，佢只係用嚟指一啲並唔係以打麻雀為目的，而係借開枱而達到其他目的，例如朋友間彼此聯誼，或者打發時間嘅雀局，所以打衛生麻雀通常上落唔大，只會打一兩毫子咁上下，而且有得上就上，有得碰就碰，唔會刻意去做牌，純粹玩運氣。
不過呢啲只係講通常嘅玩法，始終衛生麻雀並唔係某一種牌例，所以各有各慣例，簡單講衛生麻雀就係指一啲並唔係競爭為目的嘅雀局。