erpics/1/3/269713/1168138866.jpg" alt="薑汁撞奶" align="right" style="padding:10px" />
薑汁撞奶係一種源自廣東省廣州市番禺沙灣嘅甜品，係由凝固咗嘅牛奶製成。喺沙灣叫做薑埋奶。喺附近嘅廣州、順德、香港等地亦有好多間餐廳供應。做薑汁撞奶用嘅牛奶，以水牛奶為佳，因為水牛奶油脂多，亦都濃啲，一來容易凝結，二來口感都香醇啲。

製法
將牛奶加熱到約莫攝氏70到80度度，加入適量嘅糖，等溫度降到70度以下之後，倒到裝有一湯匙度薑汁嘅碗仔入面，大約一分鐘就搞掂嘞。放耐咗嘅薑汁，底部會有一啲沉澱物，呢啲就係令到鮮奶凝固嘅嘢。撞之前一定要攪勻先可以倒啲奶入去。